- مطابق
![په اسلامي نړۍ کې ویل کېږي چې شریعت نه عملي کېږي](/pa/media/k2/items/cache/f1c68fadb6f794f6318e6f801584f59f_L.jpg?t=-62169984000)
خبر:
دغه اصلاحات چې د سعودي عربستان د پاچا سلمان او د نوموړي د زوی (ولیعهد محمد) له خوا ورته اقدام شوی، د قضا په ګډون د ژوند هره برخه په نظر کې نیسي. په تېرو نږدې وختونو کې د یاد هېواد سترې محکمې د شریعت د جزا د له منځه وړلو لپاره قانون جوړ کړ، تر څو هغه خلک چې د زناکولو له امله په درو وهل کېږي، یا د الکول خوړلو او یا هم د غلا کولو له امله سزا ورکول کېږي باید وبښل شي. (سرچینه:(islamnews.ru)
تبصره:
له یادو پېښو څخه معلومېږي چې سعودي عربستان د ډیموکراسۍ په پلوۍ د شریعت د قانون له تطبیق څخه ځان ګوښه کوي. په اصل کې هغه ادعاوې چې د اسلامي نړۍ په هېوادونو کې د شریعت د قانون عملي کولو تر شعار لاندې کېږي یوازې تش په نامه خبرې دي. په ځانګړي ډول د پاکستان او ایران اسلامي جمهوریتونه او د سعودي عربستان پاچاهي یې ښه مثالونه دي. همدارنګه سوډان، افغانستان او شمال لویدیځې افریقا او داسې نور هېوادونه د یادولو وړ دي.
دغه ارزښت لرونکی یاددښت د دغه داستان عیبونه په ډاګه کوي، چې هر هېواد یې د اداري او اقتصادي سیستم له مخې ښه مشخص کېږي. د حکومتونو د بېلابېلو څانګو او د دوی د قدرتونو تعریف داسې دی چې د هېواد مشر او د نوموړي د انتخاب مودې سرچینه مقننه قوه ده، مهمه اقتصادي ستونزه د دارایۍ ډولونه دي، د هېواد د پیسو پلان یوازې د معیارونو په وېشلو سره رامنځ ته کېږي چې په دغه کار سره باید په هېواد کې د شریعت لپاره اړتیا وسنجول شي.
دا ناسمه ده چې شریعت د یو جدا عنصر په ډول او یا له نورو قوانینو سره د یو برابر قانون په ډول ومنل شي. سربېره پردې ږیره حتا پنځه وخته لمونځ هم د اسلامي نړۍ د مشرانو له عاداتو پرته بل څه نه دي، لنډه دا چې د اسلامي نړۍ د رهبرانو هېڅ عمل له شریعت سره برابر نه دی. د متحده ایالاتو سیاسي سیستم هم د مسیحیت پر اساس نه دی، حتی د متحده ایالتونو ولسمشر پر انجیل باندې قسم یادوي. دغه تش په نامه له نومونو سره لکه د ایران او پاکستان سره د اسلامي جمهوریت تړل د یادو هېوادونو سیاست دی چې په عام ډول وښیي چې اسلامي هېوادونه دي. تر اوسه پورې مقننه قوه د شریعت نه، بلکې د پارلمان په واک کې ده لکه څنګه چې د اسلام خوښه ده داسې نه ده.
که سعودي عربستان ته راوګرځو، نو دا به کافي وي چې ووایو، په اساساتو کې اسلام د حکومتدارۍ سلطنتي سیستم منع کړی دی. پر اسلامي شریعت بنا هېواد ته د پاچاهۍ سیستم نه دی روا. مګر زه دوه ډېر ساده مثالونه درته بیانوم: د معلوماتو پر اساس له ۲۰۱۶ م کال څخه راپه دېخوا سعودي عربستان په امریکا کې د خپلو قرضونو ۲۰٪ طلا او یا هم بهرنۍ تبادلې ذخیره ترلاسه کړې ده. موږ د امریکا د دولت قرضونو د خوندیتوب په هکله د مشخصې ګټې پر نرخ خبره کوو.
هو! تاسې به اورېدلي وي چې دغه هېوادونه چې ځانته واحدپرستان هم وایي، د سود له لارې ګټه لاسته راوړي، چې سود قران او سنتو په واسطه په ښکاره ډول منع شوی دی.
لاندې مثالونه د ځینو هېوادونو د بهرني سیاست په هکله وړاندې کوم چې یاد هېوادونه په ښه ډول واضح کوي. تاسو فکر کولو چې په ۲۰۱۱م کال کې په مصر کې د انقلاب پر وخت سعودي له مرسي څخه ملاتړ کولو، مګر داسې خبره نه وه. سعودي عربستان له دېکتاتور حسن مبارک څخه هم ملاتړ کولو. وروسته له دې چې مرسي واک په لاس کې واخیست، نوموړي خپل حکومت له لاسه ورکړی و. مګر کله چې په ۲۰۱۳ م کال کې د پوځ په لاس له واک څخه لرې شو، نو سعودي عربستان هم خپل ملاتړ د مصر له نوي فرعون الفتاح السیسي څخه اعلان کړ. دا د لمر په څېر یو روښانه حقیقت دی چې په منځني ختیځ کې سعودي د امریکا یو وفاداره متحد دی.
پایله:
په اسلامي نړۍ کې هېڅ کوم هېواد نشته چې په پوره ډول د الله سبحانه وتعالی شریعت عملي کړي. ټول تش په نامه اسلامي هېوادونه که مخکې تېرشوي او یا اوس موجود دي لکه سېکولر ډيموکراسۍ، پاچاهۍ او جمهوریتونه د شریعت له ځینو ځانګړو قوانینو څخه پرته یې په پوره ډول شریعت نه دی عملي کړی.
دغه ناسم ویل چې د نورو ناسمو تعبیرونو څخه رامنځ ته شوي او بیا یې په اسلام پورې ورتړلي دي، چې نن ورځ یې اسلامي نړۍ له پرمختګ څخه وروسته پاتې کړې ده. همدارنګه په اصل کې اسلامي نړۍ د عثماني خلافت له سقوط څخه وروسته (۱۹۲۴م) کال څخه راپه دېخوا د اسلامي شریعت قانون هېڅ کله هم نه دی عملي کړی.
د حزب التحریر مرکزي مطبوعاتي دفتر ته
لیکوال: فاضل
په اکراین کې د حزب التحریر د مطبوعاتي دفتر رئیس